Сәлеметсіздер ме, құрметті Интернет желісін пайдаланушылар!
 
Іле ауданының тұрғындарымен, яғни алғашқы ақпарат көздерімен тікелей байланыс жасасуға, пікір алмасу мен түрлі жағдайлар бойынша ақылдасуға, нақтылы ақпаратты алуға мүмкіндік туғызуы үшін құрылған жеке ресми блогыма қош келдіңіздер. Интернет кеңістіктегі ашық пікір алмасу барлығымыз үшін тиімді болары сөзсіз. Дамыту мәселелері толғандыратын, өміріміздегі оң өзгерістерге ұмтылатын барлықтарыңызды блогтың оқырманы болуға шақырамын.
 
Іле ауданының әкімі Қарасаев Б. Ә.
 
 
 
ӘКІМНІҢ ЖЕКЕ БЛОГІ           ӘКІМНІҢ ЕСЕБІ           СҰРАҚ ҚОЮ
 
 

Қазақстан Республикасы Бас Прокурорының бірінші орынбасары Б.Н. Асыловтың
«Прокуратура туралы» Заңның 31-бабы тәртібінде үндеуі

 

Әлеуметтік желілерде тыйым салынған және сотпен экстремисттік деп танылған «Қазақстанның демократиялық таңдауы» ұйыммен 2019 жылғы 21 қыркүйекте заңсыз наразылық акцияларын өткізуге және оған қатысуға шақыру таратылуда.
         Деструктивті күштер әлеуметтік қолдау шаралары, мемлекетаралық қатынастар туралы жалған ақпарат тарата отырып, халықты адастырып тәртіпсіздіктерді, әлеуметтік және ұлттық араздықты тудыру арқылы қоғамдық қауіпсіздікке қауіп төндіреді.
          Мұндай әрекеттерге заңмен тыйым салынған, сондықтан құқық қорғау органдары заң бұзушыларға заңмен белгіленген тәртіпте ден қойып, қатаң шаралар қолданатын болады.

Толығырақ / Орналасқан мерзімі: 20.09.2019
 

ҚР Премьер-Министрі Асқар Мамин Алматы облысында май шығару зауытының ашылуына қатысты

Алматы облысына жұмыс сапары барысында ҚР Премьер-Министрі Асқар Мамин «Лукойл» ЖАҚ президенті Вагит Алекперовпен бірге Іле ауданында «Лукойл Лубрикантс Орталық Азия» ЖШС майлау материалдарын шығаратын зауыттың ашылу салтанатына қатысты. 
         Арнаулы сөзінде Үкімет басшысы Қазақстанда қазіргі дейін еліміздің көмірсутек секторына $9,5 млрд инвестиция салған «Лукойл» компаниясының зауытының ашылуы еліміздің мұнай-газ секторының дамуының қазіргі векторына, атап айтқанда, шикізаттық бағыттылықтан терең өңделетін өнім шығаруға көшуге сай келетінін айтты. 
Зауыттың қуаттылығы — жылына 100 мың тонна өнім – 800-ден аса май түрлерін қамтиды.

Толығырақ / Орналасқан мерзімі: 20.09.2019
 

ПРЕЗИДЕНТТІК ЖАСТАР КАДР РЕЗЕРВІНЕ ІРІКТЕУ БАСТАЛДЫ

 

Президенттік жастар кадр резервіне өтінімдерді қабылдау басталды. Құжаттарды қабылдау үшін автоматтандырылған онлайн-платформа іске қосылды. Онлайн-платформаны қолдану жеңіл әрі өте ыңғайлы.Үміткер сайттың басты бетінде Президенттік жастар кадр резервінің іріктеуіне қатысты мағлұматты инфографика арқылы біле алады. Онда іріктеуге кімдер қатыса алатындығы, уақыты мен іріктеу кезеңдері жазылған. Тіркеу тәртібі барынша жеңілдетілген. Үміткерге міндетті түрде өзінің жеке мәліметтерін, аты-жөнін, тегін, ЖСН, іріктеу кезеңдерінен өтуге қолайлы тілді таңдап өзінің ұялы телефоны мен электронды поштасын көрсету қажет. Сонымен қатар ақпараттарды өңдеп сақтау туралы келісіммен танысып, тиісті талаптарды қабылдауы керек. Талаптарды қабылдамайынша үміткер Президенттік жастар кадр резервіне қатыса алмайды.Президенттік жастар кадр резервіне қатысу үшін үміткерлерге бар болғаны https://pkrezerv.kz/ сайтына тіркелу қажет.

Толығырақ / Орналасқан мерзімі: 16.09.2019
 

Конституция күні құтты болсын!

Құрметті Іле ауданының тұрғындары, Қазақстандықтар!
Сіздерді еліміздің ең маңызды мерекесі - Конституция күнімен құттықтаймын! Осыдан жиырма төрт жыл бұрын, тамыздың 30-да Қазақстан халқы тарихи шешім қабылдап, еліміздің Конституциясы бекітілді. Еліміздің Конституциясы азаматтардың құқықтары мен бостандықтарына, заңды мүдделеріне, мемлекеттің экономикалық өсуіне, қай салада болмасын дамуына кепіл болады. Осы орайда, Сіздерді 30 тамыз - Қазақстан Республикасының Конституциясы күнімен құттықтаймын! Елімізге тұрақтылық, әр шаңыраққа құт-береке, ырыс пен ынтымақ тілеймін. Ел іргесі аман, келешегіміз кемел болсын! Жылдан жылға біздің басты құндылықтарымыз - Тәуелсіздігіміз, Келісім мен Бірлігіміз нығая берсін!

Толығырақ / Орналасқан мерзімі: 29.08.2019
 

Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша әдіснамалық семинар

Іле ауданың Әдеп жөніндегі уәкілі Әдеп кодексінің талаптарын сақтау, сыбайлас жемқорлықтың алдын алу бағытында әдіснамалық-семинар өткізді. Әдеп жөніндегі уәкілдің 2019 жылға арналған жұмыс жоспарына сәйкес, ағымдағы жылдың 28 тамыз сағат 10.00-де Ащыбұлақ ауылдық округінің әкімі аппаратының мәжіліс залында Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша әдіснамалық семинар өткізілді.
Аталған семинарға Іле ауданының бөлім басшыларымен қатар Ащыбұлақ ауылдық округі әкімі аппаратының мемлекеттік қызметкерлерінен жалпы 20 адам қатысты.

Толығырақ / Орналасқан мерзімі: 29.08.2019
 

БІЛІМГЕ ТОЛЫ ТАМЫЗ КЕҢЕСІ

Жаңа оқу жылына санаулы күндер қалғанда Өтеген батыр кентіндегі №24 лицейде ауданымыздың аяулы ұстаздары бас қосып, «Жаһандық құндылықтар және қазақстандық білім мен ғылымның сапасы» атты Қазақстан Республикасы білім беру қызметкерлерінің педагогикалық дәстүрлі тамыз кеңесін өткізді. Жиын барысында аудан әкімі Бағдат Қарасаев ұстаздардың апталық сағат жүктемесін реттеуді, инклюзивті оқыту, мектептерге білімді мамандарды топтастыру мәселелерін қатаң бақылауға алуды аудандық білім бөліміне тапсырды. Білім сапасын арттыруға бағытталған бірқатар ұсыныстар айтылды. Алғаш мінберге көтерілген аудандық білім бөлімінің басшысы Л.Каткеева «Келешекке - кемел біліммен» тақырыбында баяндама оқыды.

Толығырақ / Орналасқан мерзімі: 29.08.2019
 

МЕМЛЕКЕТТІК ҚЫЗМЕТКЕР - ЕЛ АЙНАСЫ

Қазақстан Республикасының 2050 жылға дейiнгi даму стратегиясында ұзақ мерзiмдi басымдықтардың бiрi – кәсiби мемлекеттi құру екені мәлім. Бiздiң мемлекетiмiздiң алдында тұрған стратегиялық мiндеттердiң сапалы iске асырылуы қай саланың болмасын дамуы мемлекеттiк қызметтің кәсiптiлiгiне негiзделедi. Сондықтан, қазіргі таңда елімізде мемлекеттік қызмет аппаратының кәсіби біліктілігіне, мемлекеттік қызметшілердің моральдық - әдептік келбетіне зор мән берілуде.

Мемлекеттік қызметшінің моральдық бет-бейнесі мен әдебіне айрықша көңіл бөлінуінің негізінде оның іскерлігі ғана емес, сонымен қатар, айналасындағыларға құрметі мен ізеті де сараланады.

Толығырақ / Орналасқан мерзімі: 26.08.2019
 

ТАРТЫСТЫ ТУРНИРДІҢ ЖЕҢІМПАЗДАРЫ АНЫҚТАЛДЫ

Өтеген батыр ауылы №24 лицейде Қазақстан Республикасының Конституциясы күні мерекесіне арналған, мемлекеттік қызметшілер арасында аудан әкімінің кубогі үшін бильярд, шахмат, дойбы ойындарынан спорттық турнир өткізілді. Жарыстың басты мақсаты: Қазақстан Республикасының Конституциясы күні мерекесін атап өту, салауатты өмір салтын насихаттау, мемлекеттік қызметкерлерді және жалпы халықты спортқа тарту, мемлекеттік қызметкерлердің спорттаға шеберліктерін шыңдау, мемлекеттік қызметкерлердің патриоттық рухын көтеру, мемлекеттік қызметкерлер арасында жолдастық қарым-қатынасты нығайту. Аталған турнирге ауданымыздың ауылдық, кенттік округтері мен аудан әкімдігінен барлығы 100-ге жуық мемлекеттік қызметкерлер қатысты.

Толығырақ / Орналасқан мерзімі: 23.08.2019
 

Білім және ғылым министрлігі 2019-2020 оқу жылына арналған каникул күтізбесін жариялады

 

  

          Білім және ғылым министрінің 2019 жылғы 29 шілдедегі № 337 бұйрығы бойынша 2019 - 2020 оқу жылының басталуы, ұзақтығы және каникулы кезеңдерінің мерзімі бекітілді.
Аталмыш бұйрық меншік нысаны мен ведомстволық бағыныстылығына қарамастан, орта білім беру нысандарының барлығына ортақ. Құжатқа сәйкес, биылғы оқу жылы 2019 жылдың 1 қыркүйегі басталады.
Оқу жылының ұзақтығы бірінші сыныптар үшін 33 оқу аптасын құраса, 2-11 (12)- сыныптарда – 34 оқу аптасы.
"Мейрам күндеріне түскен сабақтар оқу бағдарламасы мазмұнының кіріктірілуі ескеріле отырып, қайталауға арналған сағаттар есебінен келесі жұмыс күндеріне ауыстырылады", - делінген министр бұйырғында.

 

Толығырақ / Орналасқан мерзімі: 19.08.2019
 

БОС ОРЫНДАР ЖӘРМЕҢКЕСІ

Күні кеше өткен бос орындар жәрмеңкесінде Іле ауданы бойынша 52 кадрлық қызметтен 500-ге жуық бос жұмыс орындары ұсынылды. Шараға 152 жұмыссыз азамат қатысты. Соның нәтижесінде: тұрақты жұмысқа жіберілгендер - 42, жастар тәжірибесіне қатысу үшін - 10 адам, 6 адам қоғамдық қызметке жолдама алып, 90-нан аса тұрғын кеңес алды.
Ауданымыздағы белсенді жұмыс берушілер: білім, денсаулық сақтау және «Райымбек Агро» ЖШС, «Дольче» ЖШС, «Берикап Казахстан» ЖШС, «Фирма Бент» ЖШС, «Alkaluminum of Kazakhstan» ЖШС, «САФ» ЖШС, «Алель-Агро» АҚ, «Free Line Service» ЖШС.

Толығырақ / Орналасқан мерзімі: 16.08.2019
 

ТІЛ ТАЗАЛЫҒЫН САҚТАЙЫҚ!

Аудан көлемінде «Тіл тазалығын сақтайық» акциясы басталды. Қазақстан Республикасының «Тіл туралы» және «Жарнама туралы» Заңдарының халыққа қызмет көрсету орындарында сақталуын қадағалайтын бұл акция Қазақстан халқы тілдері күніне дейін өз жалғасын табады.

Шараны өткізу үшін аудан әкімінің қаулысымен арнайы комиссия құрылған. Осы комиссия құрамынан бірнеше адам яғни,  аудан әкімінің орынбасары – Алмасбек Қожабекұлы, аудандық кітапхана директорының міндетін атқарушы – Қарлығаш Бұдұғұлова, Мәдениет және тілдерді дамыту бөлімінің бас маманы – Ардақ Ахметжанқызы, Сәулет және қала құрылыс бөлімінің жетекші маманы – Сырым Әубәкірұлы мен тіл саласына жауапты маман – Арай Абирова және БАҚ қызметкерлерімен бірге  аудандағы ...

Толығырақ / Орналасқан мерзімі: 05.08.2019
 

ТАЗАЛЫҚ – ТАБИҒАТ ТАРТУЫ

Табиғат – бүкіл тіршілік атаулының алтын ұясы және аялы есігі, қуатты қонысымен өсіп - өнер мекені. Ол жалпы адам баласының ортақ қазынасы.

Өсімдіктер. Жануарлар. Таңғажайып құбылыстар. Көркем көріністер. Бәрі-бәрі табиғаттың бір бөлігі. Әр адамның «шыр» етіп дүниеге келгені, «Ана» деген сөзді алғаш айтқаны, тәй-тәй басып оқу-білімге жол ашқаны – табиғаттың кең пейілі, мейірімі емес пе?

Президент Қасым-Жомарт Тоқаев Үкімет пен азаматтық қоғамның бастамасымен бүкіл ел бойынша жүзеге асырылып жатқан ЭКО-Челлендж қозғалысын толық қолдайтынын айтты. «Үкімет пен азаматтық қоғамның бастамасымен бүкіл ел бойынша жүзеге асырылып жатқан ЭКО-Челлендж қозғалысын толық қолдаймын.

Толығырақ / Орналасқан мерзімі: 29.07.2019
 

Құрметті депутаттар!
Құрметті сессияға қатысушылар!

         Ағымдағы жылдың 15 шілдесінде өткен Үкіметтің кеңейтілген отырысында мемлекет басшысы Қасымжомарт Кемелұлы Тоқаев  алдағы уақытта баса назар аударылатын 9 негізгі бағытты айқындай отырып, «Үкімет пен әкімдердің жұмысының негізгі мақсаты – халықтың табысын көтеріп, әл-ауқатын жақсарту» екендігін атап өтті. 

     Аудандағы кәсіпорындар мен  кәсіпкерлік субъектілері, ауылшаруашылық қызметкерлерімен бірігіп атқарған еңбектеріміздің арқасында 1-жартыжылдықта аудан бойынша жақсы көрсеткіштерге қол жеткіздік.

         Бүгінгі есебімде жыл басынан ауданның даму бағдарламасы аясындағы нысаналы индикаторлардың  орындалуына тоқталайын.

Толығырақ / Орналасқан мерзімі: 24.07.2019
 

Көкқайнар ауылында салынған су бөгені

 

          

Аудан басшысы Қарасаев Б.Ә. Ащыбұлақ ауылдық округіне қарасты Көкқайнар ауылында салынған су бөгенін көрді. Бұл бөген Көкқайнар мен ауылдық округ саяжайларын жалғайтын су қоймасы. Тозығы жеткен су қоймасы жергілікті тұрғындарды әбден әбігерге салған еді. Осыған сәйкес, аудан басшысының тапсырмасымен бөген мен ауыл арасын жалғайтын ұзындығы 8 шақырымды құрайтын жол күрделі жөндеуден өтті. Бүгінде бұл жолдар бітуге шақ қалды. Арнайы тексеріспен барған аудан басшысы мектеп пен балабақша айналасына жол белгілерін орнатуды, жаяу жүргіншілер жолын арнайы жолақпен белгілеуді тапсырды. Сонымен қатар, жарық шамдары, аялдама мен санитарлық тазалық нормаларын қатаң сақтауды ескертті.
 

Толығырақ / Орналасқан мерзімі: 23.07.2019
 

Әдеп жөніндегі уәкілі Әдеп кодексінің талаптарын сақтау

        Іле ауданың Әдеп жөніндегі уәкілі Әдеп кодексінің талаптарын сақтау, сыбайлас жемқорлықтың алдын алу бағытында әдіснамалық-семинар өткізді. Әдеп жөніндегі уәкілдің 2019 жылға арналған жұмыс жоспарына сәйкес, ағымдағы жылдың 19 шілде сағат 15.00-де Чапаев ауылдық кітапханада, сондай-ақ, Қараой ауылдық округі әкімдігінің мәжіліс залында сағат 16.30-да Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша әдіснамалық семинар өткізілді.
Аталған семинарға Іле ауданы Чапаев және Қараой ауылдық округі әкімі аппаратының мемлекеттік қызметкерлерінен жалпы 25 адам қатысты.
Толығырақ / Орналасқан мерзімі: 19.07.2019
 

Этносаралық келісім-дамудың негізі

        2019 жылдың 9 шілде Іле ауданы әкімдігінің мәжіліс залында «Бірліктің жаһандық картасы» мега жобасы аясында «Этносаралық келісім-дамудың негізі» атты көшпелі жиын өткізілді. Аталған жиынға Іле ауданының әкімі Б.Қарасаев, Алматы облыстық Қазақстан халқы Ассамблеясы төрағасының орынбасары Тұрсынбай Ғабит Тұрсынбайұлы, облыстық Қоғамдық келісім кеңесінің төрағасы Жақиянов Оралбек Нұрсейітұлы, «Достық үйі – Қоғамдық келісім орталығының директоры» Қасымберкебаев Тәңірберген Қасымақынұлы, Іле ауданының Әдеп жөніндегі уәкілі М.Карибаев, облыстық әділет департаментінің заңды тұлғаларды тіркеу жұмыстарын ұйымдастыру бөлімі басшысының м.а.Тілек Арынұлы және басқа да аудандарының ішкі саясат, білім беру, мәдениет және тілдерді дамыту бөлімдері, этномәдени бірлестіктердың басшылары, құқық қорғау органдардың қызметкерлері, ...........
Толығырақ / Орналасқан мерзімі: 11.07.2019
 

Бас прокуратура азаматтарды
заңсыз әрекеттерге бармауға шақырады

 

           Соңғы кезде әлеуметтік желілерде және мессенджерлерде көрінеу жалған ақпараттарды тарату жағдайлары көбейіп кетті. Атап айтқанда, Арыс қаласында 350 тұрғынның хабар-ошарсыз кеткендігі және қайтадан жарылыстардың болуына байланысты ол жерде тұрудың қауіпті екені туралы жалған қауесеттер орын алды. Мұның өзі көпшіліктің арасында үрей туғызып, Шымкент қаласында заңсыз акциялардың өтуіне итермеледі.

Арыс қаласындағы жағдайға қатысты теріс ақпарат фактілері бойынша, сотқа дейінгі тергеп-тексеру жүргізілуде.

Сонымен қатар еліміздің жаңа ұлттық валюта - «алтынға» көшетіні, жинаған ақшаны соған байланысты дереу долларға айырбастап, жылжымайтын мүлікті сатып алу үшін жаңа қарыздарды ресімдеу қажеттігі туралы шындыққа сай келмейтін мәліметтерді таратушылар байқалуда.

Шығыс Қазақстан облысындағы жерлердің шетелдіктерге сатылғаны туралы шындыққа сай келмейтін әрі арандатушылық ақпараттардың тарауы да азаматтарды мазасыз күйге түсірді.

Толығырақ / Орналасқан мерзімі: 10.07.2019
 

ТҰРҒЫНДАРДЫҢ ҰСЫНЫСЫ ҚАБЫЛДАНДЫ

Алматы облысы полиция департаменті бастығының орынбасары, полиция подполковнигі Е. Абдикенов арнайы ауданымызға келіп, «Қоғамдық қабылдау» іс-шарасын өткізіп, тұрғындарды арыз-шағымдары бойынша қабылдады.

Іс-шара аудандық ішкі істер басқармасының қабылдау бөлімінде өтті.

Полиция қызметінің ашықтығын, жариялылығын қамтамасыз ете отырып, аудан тұрғындары арасындағы қылмыстық істердің ашылу салдарын жақсарту, тұрғындардың өтініштерін қабылдауға  бағытталған.

Қабылдауға келгендер өздерін толғандырған мәселелерді ортаға салып, шағымдарын айтты. Оған арнайы келген жауапты тұлғалар мүмкіндігінше нақтылы жауаптар беріп, мәселені шешу жолдарын түсіндірді, азаматтардың арыздарын қабылдады.

Толығырақ / Орналасқан мерзімі: 09.07.2019
 

КЕМЕЛ КЕЛЕШЕКТІҢ МЕКЕНІ ҚҰРМЕТТІ ЖЕРЛЕСТЕР!

 

       Нұр-Сұлтан қаласы мерекені жаңа жетістіктермен, тың күшпен, шалқар шабытпен қарсы алып отыр. Біздің жас та көркем, қадамы нық қаламыздың жыл өткен сайын маңызы артып, мәртебесі өсе түсуде. Қай-қайсымыз да Елорданың тарихымен, дәстүрімен, мәдениетімен және қайталанбас қолтаңбасымен мақтанамыз. Астана күні  еліміздің айшықты мерекесі. Астана – сәні мен салтанаты жарасқан ғажайып қала ғана емес, қазақ халқының сан ғасырлық армандарының ақиқатқа айналуының дәлелі, бүгіні бекем, келешегі кемел елдігіміздің айғағы. Астана – кемеңгер Елбасымыз Нұрсұлтан Әбішұлы НАЗАРБАЕВТЫҢ батыл ойлары мен қажырлы еңбегінің жемісі.

Толығырақ / Орналасқан мерзімі: 05.07.2019
 

Қасым-Жомарт Тоқаевтың Қазақстан Республикасының сайланған Президенті қызметіне ресми кірісу рәсіміндегі сөйлеген сөзі

 

       Ең алдымен, маған зор сенім артып, қолдау көрсеткен барша Қазақстан халқына алғыс айтамын!
Бұл сайлау, шын мәнінде, демократия талаптарына сай өтті. Сайлау алаңында, нағыз ашық бәсекеге түсу мүмкіндігі болды. Барлық саяси күш өкілдері қатысты. Саяси бағдарламалар сайысқа түскен әділ дода болды. «Сайлау – бұл қатысушылардың пікірі ғана жеңіске жететін жарыс» – дейді.
Расында, әділ пікір.  
Осы өте маңызды саяси бәсекеде біздің халқымыздың даналығы, парасаты жеңді.
Сондықтан, бұл жеңіс – халқымыздың жеңісі!
Біз бір ел болып, халық болып Қазақстанның алдағы даму жолын бірге айқындадық.

Толығырақ / Орналасқан мерзімі: 12.06.2019
 

Іле ауданының аймақтық сайлау комиссиясы хабарлайды!

 

       Құрметті Іле ауданының тұрғындары!

9 маусым, жексенбі, ҚР кезектен тыс Президент сайлауына шақырамыз.

Осыған орай, Іле ауданы бойынша сіздерге 81 сайлау учаскесі сағат 7.00ден кешкі 20.00ге дейін қызмет етеді.

Сонымен қатар, мүмкіндігі шектеулі әрі өздігімен жүре алмайтын азаматтарға үйде отырып дауыс беруге мүмкіндік бар.

Ол үшін жергілікті сайлау учаскесіне өтініш жазу қажет.

       Бұдан бөлек, шалғай саяжай тұрғындары үшін арнайы қоғамдық көліктер қатынайды.

Толығырақ / Орналасқан мерзімі: 06.06.2019
 

БАЛАЛАР КҮНІ БАСПАНАЛЫ БОЛДЫ

Аудан орталығында «Қазыбай» жеке меншік құрылыс компаниясы өткен жылы құрылыс жұмыстары басталған көп пәтерлі бір тұрғын үйдің құрылыс жұмыстарын аяқтап, оны пайдалануға беріп, жаңа баспаналардың иелері қоныстойын тойлады.

1 маусым «Халықаралық балаларды қорғау» күні аудан әкімі Б. Қарасаев кезекте тұрған және өз қаражатына сатып алған біраз аудан азаматтары мен мемлекеттік қызметкерлерге «7-20-25» мемлекеттік бағдарламасы бойынша пәтер кілттерін табыс етті.

Аудан әкімі Б. Қарасаев пәтер иелерін мерекелерімен құттықтап, оларға баспана кілтін тапсырып, сондай-ақ әр шаңыраққа амандық, іші толы қуаныш болсын! – деген ақ тілегін жеткізді.

Толығырақ / Орналасқан мерзімі: 05.06.2019
 

МЕРЕКЕҢМЕН, «СОЛНЫШКО!»

1 маусым – Халықаралық балаларды қорғау күні мерекесіне орай аудан әкімі Б. Қарасаев Ащыбұлақ ауылдық округіндегі «Солнышко» балалар үйіне барып, мекемеде тәрбиеленіп жатқан 47 баланы атаулы мерекемен құттықтап қайтты. «Солнышко» балалар үйі ауданымызға өзінің қамқорлығымен кеңінен танымал. Қазір онда 18-ге толмаған балалар мен қатар колледжде білім алып жатқан ересек жастар да бар.

Мерекелік іс-шарада сөз алған аудан басшысы Б. Қарасаев: «Құрметті «Солнышко» балалар үйінің балауса балғындары! Сіздерді 1 маусым – Халықаралық балаларды қорғау күнімен шын жүректен құттықтаймын!

Толығырақ / Орналасқан мерзімі: 03.06.2019
 

ҚҰҚЫҚ ҚОРҒАУ ҚЫЗМЕТТЕРІ ОРТАЛЫҒЫ

 

Алматы облысы әкімінің қолдауымен «Құқық қорғау қызметтер орталығы» жұмыс жасап келеді. Орталық азаматтарға заңгерлік қызметтер көмегін көрсетеді және бір терезе принципі бойынша жұмыс істейді. Заң көмегін сұрап келген азаматтарға прокурорлар, қорғаушылар, медиаторлар, жеке сот орындаушылар, Әділет департаменті, пробация, полиция және ХҚКО қызметкерлері кеңес береді.

Орталықта азаматтар өтініш немесе шағым бере алады, білікті заңгерлік кеңес ала алады, бұрын берілген өтініштерді қарау барысымен танысады, құқық қорғау органдарының бірінші басшыларының қабылдауына жазыла алады немесе оларға бейнежазбамен жазыла алады.

«Құқық қорғау қызметтері орталығының» – ең басты мақсаты азаматтар мен мемлекеттік органдар арасындағы кедергілерді жою.

Толығырақ / Орналасқан мерзімі: 27.05.2019
 

СОҢҒЫ ҚОҢЫРАУ

 

Бүгін ауданымызда орналасқан 48 мектепте соңғы қоңырау соғылды. Іле ауданы бойынша 2018-2019 оқу жылын 51969 оқушы аяқтап, оның ішінде ​ 13067 оқушы оқу үздігі атанды. «Алтын белгіге» үміткерлер саны – 134, «Үздік аттестатқа» үміткерлер – 63.
     Аталмыш мерекеде аудан басшысы Қарасаев Бағдат Әбілмәжінұлы Өтеген батыр ауылындағы №13 М.Мақатаев атындағы орта мектеп ұжымы мен түлектерін құттықтап қайтты.
       Бағдат Әбілмәжінұлы өз сөзінде: «Еліміздің болашағы – жастардың қолында.

Толығырақ / Орналасқан мерзімі: 27.05.2019
 

АДАЛ ҰРПАҚ

      Сыбайлас жемқорлықтың алдын алу мақсатында Іле ауданының орта білім беру мекемелері «Адал ұрпақ» ерікті мектеп клубтарының белсенді мүшелерімен отырыс өткізді. «Адал ұрпақ» клубының негізгі мақсаты - белсенді клуб мүшелерін ынталандыру және оқушылардың бойына адалдық, өскелең ұрпаққа адамгершілік қасиеттерді ұстанудың маңыздылығын көрсету болып табылады. Отырысқа сыбайлас жемқорлықтың алдын алу жөніндегі ведомствоаралық комиссияның мүшелері шақырылды. Шараға Іле ауданының 48 мектебінен 120 оқушылары қатысты. Онда аудан мектептеріндегі «Адал ұрпақ» ерікті мектеп клубтарының жұмысы, сыбайлас жемқорлыққа жол жоқ мәселелері қаралды.
Толығырақ / Орналасқан мерзімі: 27.05.2019
 

«ТОЛҚЫННАН» ТОП ЖАРҒАНДАР БАР

Апта ортасында Өтеген батыр кентіндегі №24 лицейінде оқушылар арасында аудандық дәстүрлі «Толқын – 2019» шахмат жарысы өтті.

Салауатты өмір салтын насихаттауды, ауданда шахмат спорт түрін дамытуды, жастардың спорттық шеберлігін шыңдауды мақсат тұтқан. Жарысқа алты ауылдан 11 округтен келген жас шахматшылар қатысты.

Жарыстың ашылу салтанатын аудан әкімі Б.Қарасаев ашып спортшыларға сәттілік тілеп, алғашқы партияны «Гранит» ЖШС-нің дирек-торының орынбасары В.Дергуновпен алғашқы партияны ойнады. Қорытындысында достық жеңді.

Жарыстың негізгі бағыты үздік спортшыларды анықтап, шеберлігін арттыру, жастарды достыққа, патриоттық сезімге, ұлттық мәдениетке тәрбиелеу.

Толығырақ / Орналасқан мерзімі: 24.05.2019
 

БАРЛЫҚ ЖАҢАЛЫҚТАР