Әр  салада тұтынушымен қызмет көрсетушінің арасындағы қарым-қатынасты дұрыс жүргузу үшін, екі жақтын құқықтарымен міндеттемелері  заңнамалық актілермен реттеліп бекітілген.  Салық саласында салық органдарының құқықтарымен міндеттері ҚР Салық кодексінде айқын реттелген, салық заңнамасына сәйкес салық органдарының құқықтарын атап өтсек:

           Салық органдары - Салық заңнамасында көзделген нормативтік құқықтық актілерді өз құзыреті шегінде әзірлеуге және бекітуге; салықтық бақылауды жүзеге асыруға; салық салу мәселелер бойынша халықаралық ынтымақтастықты жүзеге асыруға; салық төлеушіден (салық агентінен, оператордан) салықты және бюджетке төленетін басқа да міндетті төлемдерді есептеудің дұрыстығын және төлеудің (ұстаудың және аударудың) уақтылылығын, міндетті зейнетақы жарналарын, міндетті кәсіптік зейнетақы жарналарын есептеудің, ұстау мен аударудың және әлеуметтік аударымдарды есептеу мен төлеудің толықтығы мен уақтылылығын растайтын құжаттарды, салық төлеуші (салық агенті) жасаған салықтық нысандар бойынша жазбаша түсіндірмелерді алуға құқылы. Нұсқама негізінде объектінің тұрған жеріне қарамастан, салық салу объектісі және салық салуға байланысты объект болып табылатын мүлікті зерттеп-тексеруге, салық төлеушінің (салық агентінің, оператордың) мүлкіне (тұрғын үй-жайлардан басқа) түгендеу жүргізуге; Қазақстан Республикасының заңнамалық актілерінде белгіленген талаптарды сақтай отырып, тұлғалардан  қатысты банктік шоттардың бар-жоғы және нөмірлері туралы, осы шоттардағы ақша қалдығы және қозғалысы туралы мәліметтер алуға;  Салық заңнамасында белгіленген тәртіппен салық салу объектілерін және салық салуға байланысты объектілерді жанама әдіспен айқындауға;  салықтық тексерулерге мамандарды тартуға. Қазақстан Республикасы Азаматтық кодексінің көзделген негіздер бойынша мәмілелерді жарамсыз деп тану, заңды тұлғаны тарату туралы соттарға қуынымдар беруге, сондай-ақ Қазақстан Республикасының заңнамасына сәйкес өзге де қуынымдар беруге құқылы.

Салық органдары Қазақстан Республикасының заңнамалық актілерінде жүктелген міндеттерді іске асыруды Салық кодексінде белгіленген тәртіппен электрондық тәсілмен жүзеге асыруға құқылы.

              Салық органдарының құқықтары бойынша толық мәліметтімен салық Кодексінің 19 бабына сәйкес танысуға болады.

М.Исмаилов 

 Іле ауданы бойынша

 мемлекеттік кірістер

 басқармасының бас маманы

анықтама үшін сым тетік: 8-7272-517459