БАСТЫ > Мемлекеттік қызмет > ҚҰЖАТ 

		Мемлекеттік қызметке орналасу тәртібі туралы ақпарат
	Тестілеу өтуге ниет білдіретін азаматтар Қазақстан Республикасы Мемлекеттік қызмет істері агенттігінің Алматы облысы бойынша департаментіне төмендегі құжаттарды тапсыру тиіс: 1) белгіленген нысандағы өтініш; 2) білімі туралы құжаттардың көшірмелері (салыстыру үшін түп нұсқаларын ұсынбаған жағдайда нотариатта куәландырылған); 3) еңбек қызметін растайтын құжаттың көшірмесі (салыстыру үшін түп нұсқаларын ұсынбаған жағдайда нотариатта куәландырылған); 4) ЖСН жеке басын куәландыратын құжаттың көшірмесі. Алматы облысы бойынша департаментінің мекенжайы: 040000, Талдықорған қаласы, Тәуелсіздік көшесі, 38, каб.119, 426, анықтама телефондары: 8 (7282) 270928, 273475. ”Б“корпусының бос мемлекеттік әкімшілік лауазымдарына орналасуға және мемлекеттік әкімшілік қызметтің кадр резервіне тұруға үміткерлерге тестілеу бағдарламалары 1. ”Б“корпусының мемлекеттік әкімшілік лауазымдарына орналасуға және мемлекеттік әкімшілік қызметтің кадр резервіне тұруға үміткерлерге тестілеу бағдарламасы: 1) E-1, E-2, E-R-1 санаттары үшін: мемлекеттік тілді білуге тест (20 тапсырма); логикалық тест (10 тапсырма); Қазақстан Республикасының Конституциясы (15 сұрақ), ”Мемлекеттік қызмет туралы“ (15 сұрақ), ”Сыбайлас жемқорлыққа қарсы күрес туралы“ (15 сұрақ), ”ҚР жергілікті мемлекеттік басқару өзін-өзі басқару туралы“ (15 сұрақ), ”Жеке және заңды тұлғалардың өтініштерін қарау тәртібі туралы“ (15 сұрақ) «Мемлекеттік көрсетілетін қызметтер туралы»Заңдарын білуге арналған тест сұрақтары кіреді; 2) басқа санаттар үшін: E-3, E-4, E-R-2, E-R-3, E-R-4, E-R-5, E-G-1, E-G-2, E-G-3, E-G-4 мемлекеттік тілді білуге тест (20 тапсырма); логикалық тест (10 тапсырма); Қазақстан Республикасының Конституциясы (15 сұрақ), ”Мемлекеттік қызмет туралы“ (15 сұрақ), ”Сыбайлас жемқорлыққа қарсы күрес туралы“ (15 сұрақ), ”ҚР жергілікті мемлекеттік басқару өзін-өзі басқару туралы“ (15 сұрақ), ”Жеке және заңды тұлғалардың өтініштерін қарау тәртібі туралы“ (15 сұрақ) «Мемлекеттік көрсетілетін қызметтер туралы»Заңдарын білуге арналған тест сұрақтары кіреді; Тестілеу бағдарламасынан өткен азаматтар Б корпусының бос мемлекеттік әкімшілік лауазымдарға орналасу үшін жарияланған конкурсқа қатысады. Конкурсқа қатысатын азаматтардың білімі тиісті бекітілген біліктілік талаптарына сай болуы қажет. Конкурсқа қатысу үшін қажетті құжаттар (өкілетті орган белгілеген нысандағы өтініш; өкілетті орган белгілеген нысандағы сауалнама; білімі туралы құжаттардың нотариалдық куәландырылған көшірмелері; еңбек қызметін растайтын құжаттың нотариалдық куәландырылған көшірмесі; Қазақстан Республикасы Денсаулық сақтау министрлігінің 2010 жылғы 23 қарашадағы № 907 бұйрығымен бекітілген (Қазақстан Республикасының Нормативтік-құқықтық актілердің тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама; Қазақстан Республикасы азаматының жеке куәлігінің көшірмесі; құжаттарды тапсыру сәтінде уәкілетті органмен белгіленген шекті мәннен төмен емес нәтижемен тестілеуден өткені туралы қолданыстағы сертификат) қабылдау мерзімі конкурс өткізу туралы хабарландыру соңғы жарияланған күнінен бастап 10 жұмыс күннің ішінде, көрсетілген мекен-жай бойынша сәйкесті мемлекеттік органдарға тапсырылуы тиіс. Конкурс комиссиясының қарауына құжаттарды қабылдау мерзімінде азаматтардың өздері әкеліп берген немесе поштамен жіберген (қоса тіркелген құжаттардың тізбесі көрсетілген құжат тігілетін папкада орналастырылған) құжаттары қабылданады.