ИГІЛІКТІ ІС БАСТАМАСЫ

17.04.2017

«Нұр Арман» арнайы партиялық жобасы аясында аудандық партия филиалының мәжіліс залында шетелдік университеттерге өз бетінше оқуға түскен және қаржылық көмекке зәру дарынды жастарға «Нұр Отан» партиясының қайырымдылық білім беру гранттарын ұсыну мақсатында арнайы құрылған жұмыс тобы мүшелері ауданымыздағы мектеп-колледж директорымен кездесу ұйымдастырды.
Кездесу барысында аудандық мәслихат депутаты, «Нұр Отан» партиясы фракция мүшесі Г. Ерубаева: «Нұр Арман» партиялық жобасы - бұл әлеуметі төмен отбасынан шыққан жасы 21 жасқа дейінгі талантты жастарға берілетін мүмкіндік, көптеген мектеп түлектерінің әлемнің үздік ЖОО оқып сапалы білім алу жөніндегі армандарының іске асырылуына «Нұр Отан» партиясымен қол жеткізуге болатындығын айтып, тұжырымда, ережесімен таныстырып, партиялық жоба аясында түсіндірме жұмыстарын жүргізді.