Ағымдағы жылдың 13 ақпан айында  аудан әкімдігінің мәжіліс залында аудандық кәсіпкерлік бөлімінің басшысы Д.Қоңырбаевтың ұйымдастыруымен ауданымыздың ірі, орта және шағын кәсіпкерлік субъектілерімен  кездесу өткізілді. Аталған іс-шараға ауданның ішкі істер басқармасының полиция қызметкері, аудандық төтенше жағдайы бөлімінің маманы, Іле аудандық қоғамдық денсаулық сақтау басқармасының орынбасары және аудан әкімдігі жанындағы терроризмге қарсы комиссиясының хатшысы қатысып, діни экстремизм және терроризмнің алдын алу және террористік тұрғыдан осал нысандарға қатысты, өрт қауіпсіздігін алдын алу бойынша баяндамалар оқылып, жиналысқа қатысушылар арасында сұрақ жауап алмасулар болды. Өз кезегінде кәсіпкерлер тарапынан өз ризашылдықтарын білдіріп, өздеріне қолданыста өте қажетті, маңызды мәліметтер алғандықтарын алдыға тартып, шын ризашылықтарын білдіріп, алдағы уақытта осындай іс-шараларды жиі өткізу туралы ұсыныстарын білдірді.
          Жиналыс соңында жаңадан ашылып жатқан кәсіпорындарының басшылары террористік тұрғыдан осал нысандарға қатысты кеңстер сұрап, сұрақтарына қанағаттандырарлық жауаптар берілді. Аталған іс шараға 45 ірі – орта және шағын кәсіпкерлік субектілерінің басшылары қатысты.