Қазақстан Республикасының Еңбек және халықты әлеуметтік қорғау министрлігінің бастамасымен ағымдағы жылы 20 қыркүйекте Астана қаласында алғаш рет Қазақстан Республикасы әлеуметтік қызметкерлерінің форумы өткізіледі.
Форумды өткізудің мақсаты:
- халықты әлеуметтік қорғау жүйесінде әлеуметтік қызметкерлердің рөлін күшейту;
- олардың қазіргі қоғамдағы рөлін және әлеуметтік сала дамуына қосқан үлесін мойындау;
- жинақталған тәжірибені жалпылау және саланы дамытудың негізгі бағдарларын белгілеу болып табылады.
Сонымен қатар, Форум шеңберінде жыл сайынғы «Қазақстанда іске асырылып жатқан үздік әлеуметтік жобалар» республикалық көрмесін және үздік әлеуметтік жобалардың авторларын салтанатты марапаттау рәсімін өткізу көзделіп отыр.