01 маусым – Халықаралық Балаларды қорғау күні  мерекесі Боралдай кенті Водник-2 ықшамауданындағы мемориалды саябақта өтті.

Балалар мен тұрғындарды мерекемен құттықтаған кент әкімі М.Салимбаев «Бүгінгі 1 маусым - Балаларды қорғау күнімен барлықтарыңызды шын жүректен құттықтаймын! Жаздың бірінші күніне дәл келетін, балаларды қорғау күні – ең  ерекше  мерекелердің бірі. Бүгінгі таңда  елімізде  балалардың алаңсыз білім алуына, бақытты балалық кезеңдерін өткізуге  барлық  жағдай жасалып  отыр.

Балаға тәрбие беретін ең алдымен оның ата-анасы болса, екінші, тәрбиемен қоса білім беретін балабақша, мектеп және  оның  өскен ортасы.

Қазіргі  таңда кентімізде 4 мектеп, 12 балабақша жұмыс жасайды. Бұл мекемелерде балалардың білім мен тәрбие алуына барлық мүмкіндік жасалған, сондай-ақ бос  уақытын  тиімді  пайдалану  мақсатында да түрлі спорттық және шығармашылық секциялары жұмыс жасайды» дей келе балдырғандарға «Сіздерді  бүгінгі мерекемен құттықтаймын! Тәуелсіз Қазақстанмен бірге  өсіп-өніңіздер! Ата-ананың, еліміздің  мақтанышы болыңыздар. Жақсылық, жарқын болашақ тілеймін!» деп өз лебізін білдірді.

Келесі кезекте Боралдай кенті ақсақалдар кеңесінің төрағасы А.Үдербаев балаларды мейрамдарымен құттықтап, балдырғандарға «Бүгін балалардың мейрамы! Бала – біздің болашағымыз! Бала – біздің бақытымыз! Сондықтан да болашағымыз жарқын, балаларымыз бақытты болсын!» деп ақ батасын берді.

Сондай-ақ демеушілер тарапынан кенттегі жетім және көп балалы отбасынан шыққан 350 балаға балмұздақ пен сусындар таратылды.